Россияда узоқ кутилган қонли жанг учинчи раундда якунланди

Оқшомнинг марказий жангида ўрта вазн тоифасида амалдаги AMC Fight Nights чемпиони Владимир Минеев ватандоши Магомед Исмаиловга қарши октагонга кўтарилди. Ушбу жанг реванш мақомида бўлиб, 2018 йили ўтказилган илк тўқнашувда дуранг натижа қайд этилганди.

«WOW» аренада ўтган ва Россияда "йил жанги" дея эътироф этилган жанг учинчи раундда рефери томонидан тўхтатилди. Владимир Минеев партерда рақибини нокаутга учратди. Магомед Исмаилов зарбаларга "реакция" билдирмай қўйгач, рефери жангни тўхтатишга мажбур бўлди. 

Мага Исмаилов ҳам жангни яхши ўтказди. Рақибига жуда кучли зарбалар йўллай олди. Буни Минеевнинг деярли юмилиб қолган кўзларидан ҳам кўриш мумкин. Лекин учинчи раундда Владимир вазиятни ўзгартира олди. Жанг якунланишига 19 сония қолган бир пайтда рефери Герихан Шибилов қонли тўқнашувни тўхтатиб, Минеевни ғолиб сифатида эълон қилди.