Россиядан маҳаллийлаштирилган фигурали учувчиларимизни иккита халқаро турнир кутиб турибди

Май ойида Ўзбекистон терма жамоаси сафига ўтган россиялик фигурали учувчилар Екатерина Гейниш ҳамда Дмитрий Чигирев ISU Челленжер сериясига кирувчи иккита турнирда иштирок этади.

Дастлабки турнир "John Nicks Pairs Challenge International". Мусобақа 3-4 сентябрь кунлари АҚШнинг Нью-Йорк шаҳрида ўтказилади. Унда Гейниш/Чигирев жуфтлигидан ташқари яна 8 та  давлатнинг 15 та жуфтлиги баҳс олиб боради.

Шундан сўнг, терма жамоамиз аъзолари 19-21 сентябрь кунлари Германиянинг Оберстдорф шаҳрида ўтказиладиган "Nebelhorn Trophy" мусобақасидаги жуфтлик дастурида ғолиблик учун кураш олиб боради. Ҳар икки мусобақа ISU Челленжер серияси туркумига киради.

Челленжер серияси 2014-15 йилги мавсумдан буён ўтказиб келинади. Серия кўплаб конкида юқори даражадаги халқаро мусобақаларда қатнашиш ва Жаҳон рейтинги очколарини қўлга киритиш имкониятини беради.

Маълумот учун, май ойида Ўзбекистон фигурали учиш федерацияси россиялик фигурали учувчилар Екатерина Гейниш ва Дмитрий Чигиревни маҳаллийлаштирган эди. Улар жуфтлик дастурида чиқиш қилади.

Екатерина Гейниш 2006 йил 18 март куни, Дмитрий Чигирев эса 2001 йил 1 апрелда Москвада туғилган. Улар жуфтликда Россиядаги бир қанча маҳаллий мусобақалар ғолиб ва совриндорларига айланган.

Шунингдек, Дмитрий Чигирев Олимпия ўйинлари совриндори Евгения Медведеванинг қайлиғи эканини таъкидлаш лозим.