Россиялик спорт таълими олимлари Ўзбекистонда

Мулоқот давомида жисмоний тарбия ва спорт соҳасида икки томонлама ҳамкорликни йўлга қўйиш, қишки спорт турларини ривожлантириш, малакали мутахассислар, ёш олимларнинг тажриба алмашинуви ва ҳамжиҳатликда илмий лойиҳалар устида ишлаш бўйича фикр-мулоҳазалар билдирилди ҳамда таълим муассасалари ўртасида ўзаро ҳамкорлик меморандуми имзоланди. 

Ўзбекистон давлат жисмоний тарбия ва спорт университети ректори Рашид Маткаримов меҳмонларга мамлакатимизда спорт таълимини ривожлантириш, юртимизда ўтказилаётган халқаро спорт мусобақалари, келгуси йили пойтахтимизда ўтказиладиган “Тошкент-2025” ёшлар Осиё ва Параосиё ўйинларига кўрилаётган тайёргарлик, бунёд этилаётган “Олимпия шаҳарчаси”, оммавий спортни ривожлантириш борасидаги саъй-ҳаракатлар ҳақида маълумот берди. 

Учрашувда Наталя Масягинага Ўзбекистон давлат жисмоний тарбия ва спорт университети фахрий профессори унвони топширилди.