Россиялик спортчилар Дохадаги сув спорти турлари бўйича Жаҳон чемпионатида иштирок эта олмайдиган бўлди

Маълум бўлишича, россиялик спортчиларга нейтрал мақомда бўлса-да, мусобақада иштирок этишга рухсат берилмаган.

"Aquatics Integrity Unit билан маслаҳатлашганимиздан сўнг, Дохада ўтказиладиган сув спорти бўйича ЖЧда россиялик спортчилар иштирок эта олмаслигини тасдиқлашимиз мумкин", - дея ҳолатга муносабат билдирди World Aquatics алоқа бўлими вакили.

Эслатиб ўтамиз, сув спорти бўйича Жаҳон чемпионати 2-18 февраль кунлари Қатар пойтахти Дохада ўтказилади. Мусобақа Париж-2024 ёзги Олимпиадаси учун сўнгги саралаш мусобақаси ҳисобланади.