Россиялик UFC жангчисининг рақиби маълум

Енгил вазн тоифасида октагонга чиқиб келаётган Тимур 6 февраль куни UFC турнири доирасида америкалик 31 ёшли Жулио Арсега қарши жанг ўтказади. Ҳозирча Валиев - Арсе жангининг қаерда ўтказилиши маълум эмас.    

Маълумот учун, Тимур Валиев ўзининг UFC промоушенидаги дебют жангини шу йилнинг 22 август куни UFC on ESPN 15 турнири доирасида америкалик Тревин Жонсга қарши ўтказиб, иккинчи раундда техник нокаут эвазига имкониятни бой бериб қўйган эди. Лекин кейинроқ Невада штатининг Атлетик комиссияси Жонснинг қонида тақиқланган каннабиноид моддаси борлигини аниқлаган ва жангни ўтказилмаган деб топганди. 

Тимур Валиев ММАда жами 19 та жанг ўтказиб, 16 ғалаба ва 2 мағлубият қайд этган. Унинг бўлажак рақиби Жулио Арсе эса 20 та жангнинг 16 тасида зафар қучган. UFC`да 5 та жангнинг 3 тасида ғалаба қозонган.