23 июн 15:04
Янгиликлар

Бокс/ММА

Россиялик Яна Сантосга рақиб берилди

Аёллар енгил вазн тоифаси вакиласи Яна Сантоснинг навбатдаги жанги маълум бўлди.

Россиялик аралаш яккакураш устаси 10 август куни АҚШнинг Лас-Вегас шаҳрида америкалик Челси Чендлерга қарши октагонга чиқади. 34 ёшли Яна Сантос деярли бир йиллик танаффусдан сўнг октагонга қайтмоқда. У кетма-кет учта жангда мағлубиятга учраган. Сўнгги жангида ҳакамлар қарорига кўра Кэрол Росга имкониятни бой берганди.

Америкалик 30 ёшли Челси Чендлер эса охирги жангида ҳакамларнинг якдил қарори билан Жосиэн Нунесдан устун келган эди. Айни пайтда Яна Сантос дивизион рейтингида 12, Челси Чендлер эса 14-ўринни эгаллаб турибди.