04 ноя 15:56
Янгиликлар
Бокс/ММА
Рой Жонс Майк Тайсон - Жейк Пол жангига тахмин билдирди
Яримоғир вазн тоифасида собиқ мутлақ жаҳон чемпиони, америкалик Рой Жонс ҳамюртлари Майк Тайсон ва Жейк Пол ўртасидаги бўлажак жанг ҳақида гапирди.
"Майк жуда кучли йигит. Мен у билан рингга чиққанман ва унга зарба бериш қанчалик қийин бўлганини, аксинча, унинг зарбаси қанчалик оғирлигини яхши эслайман. Ундан ҳавотирланишга ҳожат йўқ, аммо жанг иккинчи ярмига қадар чўзилса, ёши туфайли унга қийин бўлади. Жанг тўрт раунддан ортиқ давом этмаса, Майк билан ҳаммаси яхши бўлади.
Менимча, Майк рингга чиқади, Полни ҳис қилади ва кейин уни якунлайди. Ёки у билан бирга саккиз раунднинг ҳаммасини ўтказа олишини ҳис қилади ва кейин очколар бўйича ғалаба қозонади", деди Жонс Talk Sport билан суҳбатда.
Ҳавола :
Манба : TalkSport
Фикрлар