Рой Жонс қайси шартлар эвазига Федор Емельяненко билан жанг қилишга рози бўлишини айтди

2021 йили Жонс ва Федор кўргазмали жанг қилишга тайёрлигини айтишганди. Жума куни Емельяненко яна бир бор ўз истагини тасдиқлади: "Эшитдим, Рой мен билан жанг қилмоқчи экан. Ёмон ғоя эмас, бу менга ҳам қизиқ туюлмоқда".

- Ҳа, қизиқишлар бор, бироқ, албатта, пуллар билан барчаси жойида бўлиши керак. Икки афсонани рингга ташлаб қўйиб, кам маош тўлашдан эса мантиқ йўқ, - деди Жонс "Матч ТВ"га берган интервьюсида Федорнинг гапларига жавоб сифатида.

Бир ойлар муқаддам Жонс "Матч ТВ" билан суҳбатда: "Федор билан фақатгина катта пуллар эвазига жанг қилишим мумкин. Чунки анчагина қаридим, чарчаб қолдим", деб маълум қилганди. Кичик Рой Жонс ҳали бирор марта боксдаги фаолиятини якунлаганини маълум қилгани йўқ. Бироқ у молиявий томондан қаноатлантирилсагина боксга тушишини айтмоқда.

Тўрт вазн тоифасига кўра собиқ чемпионнинг ҳисобида 66 ғалаба (47 нокаут) ва 10 мағлубият бор. Жонс ўзининг сўнгги жангини 2021 йилнинг ноябрида ўтказган ва шу ҳам кўргазмали жанг бўлганди. Ўшанда у Майк Тайсон билан дуранг қайд этганди. Апрель ойида эса у UFC собиқ чемпиони Энтони Петтисга мағлуб бўлди.

46 ёшли Федор Емельяненко эса ММАда 40 ғалаба ва 7 мағлубият қайд этган. Февраль ойида у Райан Бейдерга мағлуб бўлди ва фаолиятини якунлаганини эълон қилди.