14 ноя 21:57
Янгиликлар

Бокс/ММА

Рўзибоев Octagon 25 турнирининг андеркард жангида октагонга кўтарилди + ФОТО

Айни дақиқаларда Қозоғистоннинг Octagon лигаси томонидан навбатдаги рақамланган турнир ўтказиляпти.

Алмати шаҳрида ташкил этилаётган Octagon 25 турнирида ўзбекистонлик ММА устаси, андижонлик 25 ёшли Машрабжон Рўзибоев украиналик Константин Линникка қарши жанг ўтказди. Қирқ сония давом этган жангда кичик Рўзибоев рақибини техник нокаутга учратди. Рефери баҳсни тўхтатишдан ўзга чора топа олмади.

Маълумот учун, таниқли ММАчимиз Нурсултон Black Рўзибоевнинг укаси ҳисобланган Машрабжон Рўзибоевнинг ММАдаги натижаси 12 ғалаба, 3 мағлубият ва 1 дурангни ташкил этмоқда. Машрабжоннинг рақиби Константин Линник эса бугун фаолиятидаги 21-мағлубиятини қабул қилиб олди. Ҳисобида 27 ғалаба бор.