РОЗТМда «Соғлом ҳаёт учун 5000 минг қадам» шиори остида марафон ўтказилди

Ўзбекистон Республикаси Президентининг 2020 йил 30 октябрдаги «Соғлом турмуш тарзини ҳаётга кенг татбиқ этиш ва оммавий спортни янада ривожлантириш чора-тадбирлари тўғрисида»ги ПФ-6099-сонли Фармони ижросини таъминлаш мақсадида мамлакатимиз бўйлаб спорт мусобақалари ва оммавий марафонлар ташкил этилмоқда.

Куни кеча Республика олимпия захиралари теннис мактабида «Соғлом ҳаёт учун 5000 минг қадам» шиори остида эрталабки бадантарбия ва юриш марафони бўлиб ўтди. Дастлаб, барча қатнашчилар бадантарбия машқларини бажаришди. Шундан сўнг, пиёда юриш марафонида белгиланган масофани босиб ўтишди.

Мазкур марафонда спорт мактаби ходимлари билан бир қаторда Мирзо Улуғбек туманидаги «Боғимайдон» ҳамда «Ҳабиб Абдуллаев» МФЙ истиқомат қилувчи аҳоли вакиллари ҳам иштирок этишди.