17 фев 14:39
Янгиликлар

Теннис

Рублёв Роттердам турнири 1/4 финалида тўхтатилди

Дунёнинг бешинчи ракеткаси Андрей Рублёв Нидерландиянинг Роттердам шаҳрида ўтказилаётган ATP турниридаги иштирокини якунлади.

Россиялик теннисчи 1/4 финалда ATP рейтингида 11-поғонада бораётган австралиялик Алекс Де Минаурга уч сет натижасига кўра ютқазиб қўйди - 6/7(5), 6/4, 3/6. Алекс теннисчиларнинг ўзаро учрашувларида ҳисобда олдинга чиқиб олди - 4:3.

Икки соату 34 дақиқа давом этган баҳсда Рублёв 7, Де Минаур 10 та эйс зарбани амалга оширган. Иккала теннисчида ҳам қўшхато ҳамда брейклар 4 ва 1 тадан бўлди. Энди Минаур ABN AMRO Open 1/2 финалида болгариялик Григор Димитровга қарши кортга чиқади.