16 мар 10:39
Янгиликлар

Бошқалар

Руфат Рисқиевга таъзия билдирамиз

Ўзбекистон бокс тарихидаги энг яхши чарм қўлқоп усталаридан бири, СССР спорт устаси, таниқли фото журналист Алишер Рисқиев вафот этди.

Маълумот учун, Алишер Асадович Рисқиев 1946 йили Тошкент вилоятининг Оққўрғон туманида шифокорлар оиласида дунёга келган. Афсонавий Руфат Рисқиевнинг биринчи мураббийи ҳам айнан Алишер Рисқиев бўлган. Руфат Рисқиев акаси Алишер акага ҳавас қилиб, боксни танлаган. У етти карра Ўзбекистон чемпиони, собиқ иттифоқ миқёсидаги кўплаб мусобақалар ғолиб ва совриндори ҳисобланарди.

СССР спорт устаси бўлган Алишер ака боксдаги фаолиятини якунлаганидан сўнг узоқ йиллар Ўзбекистон Миллий ахборот агентлигида фото мухбирлик қилди.

Olamsport.com сайти Алишер Рисқиевнинг оила аъзолари, яқинлари ва алоҳида Руфат Рисқиевга ҳамдардлик билдиради. Ўтганларнинг охирати обод бўлсин!