Руис: "Бир йил олдин пулим йўқ эди, энди эса Мексика президенти билан учрашув ўтказдим"

"Мен жуда хурсандман. Бир йил олдин боксдан кетмоқчи бўлгандим, молиявий муаммоларим бор эди. Бироқ, кўчада яшашни истамасдим. Болалигимда ёмон ишлар қилгандим, ўшанда отам мени кўчадан изларди ва машғулотларга олиб борарди. Агар бокс бўлмаганида мен кўчада қолардим. Отам ва бокс сабабли мен кўп нарсага эришдим. 

Мексика президенти билан учрашганимда ҳаяжонландим. У билан ҳудди қариндошлардек суҳбатлашиш мумкин эди. Келажакдаги режаларим ҳақида гапирадиган бўлсам, аввал Энтони билан реванш ўтказишим, кейин эса Уайлдер ҳақида ўйлашим лозим", - деди Энди Руис.