12 июн 12:43
Янгиликлар

Бокс/ММА

Руис Жошуага қарши реванш Мексикадаги катта стадионда ўтказилишини истамоқда

Супероғир вазн тоифасида тўртта йўналиш бўйича жаҳон чемпиони Энди Руис Мексикага ташриф буюрди.

Бир неча кун олдин Руис Мексикадаги "Оқ уй"га ташриф буюриб, у ерда Президент Андрес Мануэль Лопес Обрадор билан учрашди. Ушбу учрашувда Руис Жошуага қарши реванш жангни Мексикада ўтказиш истагида эканлигини айтиб ўтди.

"Мен реванш Мексикадаги "Ацтека" стадионида ўтказилишини истардим. Ушбу жанг тарихий аҳамиятга эга бўларди. "Ацтека" хеч қачон супероғир вазн тоифасидаги жангларга мезбонлик қилмаган", - деди Руис.

Маълумот учун, мамлакатнинг футболдаги бош аренаси 1993 йилда Хулио Сезар Чавес ва Грег Хауген ўртасидаги жангга мезбонлик қилган. Ўшанда Чавес рақибини бешинчи раундда нокаутга учратиб, енгил вазн тоифасидаги камарини ҳимоя қилган. Стадионга эса 132 247 томошабин ташриф буюрган. Бу бокс жанглари учун рекорд ҳисобланади.