"Рус Ронда"си UFC билан шартнома имзолади

Енгил вазн тоифаси вакиласи бир муддат аввал кутилмаганда Bellator промоушенидан ҳайдалган эди. Ваҳоланки, у лигадаги дебют жангидаёқ ғалаба қозонганди. 32 ёшли Алексеева ММАда жами 5 та жанг ўтказган бўлиб, 4 ғалаба ва 1 мағлубият қайд этган. 

Ирина сўнгги жангини ўтган йилнинг октябрь ойида Москва шаҳрида ташкил этилган Bellator 269 турнирида Стефани Лило Пейжга қарши ўтказиб, очколар ҳисобига кўра ғалаба қозонганди. Россиялик аралаш яккакураш устаси дзюдо ва самбо бўйича Россия чемпионатлари ғолиб ҳамда совриндори, самбода Европа чемпиони ҳисобланади.