Руслан Абдуллаев бўлажак жанги олдидан медиа тадбирларда иштирок этди (ВИДЕО)

Мусобақа доирасида ўзбекистонлик чарм қўлқоп устаси Руслан Абдуллаев Уругвай вакили Эдуардо Хавьер Абреу билан баҳс олиб боради.

Бугун тонгда ҳамюртимиз турнир олдидан ташкил этилган медиа тадбирларда иштирок этди.

Маълумот учун, 37 яшар Эдуардо Хавьер Абреу фаолияти давомида ҳозиргача 17 та жанг ўтказиб, 14 та ғалаба, 1 та мағлубият ва 2 та дуранг қайд этган.

Руслан Абдуллаев 2023 йилда -63,5 кг вазн тоифасида жаҳон чемпионатининг олтин медалига сазовор бўлган. У профессионал рингдаги дебютини шу йилнинг март ойида ўтказиб, иккинчи раундда Хосе Альварадо (3-19-1, 2КО)ни нокаутга учратганди. Ушбу мағлубият Альварадо фаолиятидаги илк муддатидан олдинги мағлубият бўлган эди.

Юртдошимиз профессионал боксдаги иккинчи жангида Жино Родриго (13-4-2, 11КО)ни бир овоздан (барча ҳакамлик ёзувларида 80-71) мағлуб этган бўлса, учинчи жангида Кевин Жонсон (12-7, 8КО)дан ҳам ҳакамларнинг якдил қарори билан (80-72, 79-73, 79-73) устун келганди.