Руслан Абдуллаев иштирокидаги жанг бешинчи раундда тўхтатилди

Биз учун аҳамиятлиси, турнир доирасида чарм қўлқоп устамиз Руслан Абдуллаев ўзининг проф рингдаги тўртинчи жангини ўтказди. Ҳамюртимиз уругвайлик Эдуардо Хавьер Абреуга қарши рингга кўтарилди. Саккиз раундга мўлжалланган жанг бешинчи раундда рефери томонидан тўхтатилди. Кетма-кет кучли зарбалардан сўнг Эдуардо нокдаун ҳолатига тушиб қолди. 

Шу тариқа, Руслан Абдуллаев техник нокаут эвазига профессионал бокс фаолиятидаги тўртинчи ғалабасини қўлга киритди. 37 ёшли Эдуардо Хавьер Абреу эса иккинчи мағлубиятини қабул қилиб олди. Унинг ҳисобида 18 та жангдан 14 ғалаба ва 2 дуранг ҳам бор.