Руслан Абдуллаев проф боксдаги иккинчи жангидаёқ камарга эга чиқди

Мазкур жанг оқшоми доирасида ҳамюртимиз Руслан Абдуллаев рингга кўтарилди. 

Ушбу жангда боксчимизга филиппинлик Жино Родриго рақиб бўлди. 

8 раундга мўлжалланган жанг тўлиқ давом этди. Жангнинг асосий қисмида Руслан Абдуллаев ташаббусга эришди. 5-раундда Руслан рақибини нокдаун ҳолатига ҳам солиб қўйди. 

Ҳакамларнинг якдил қарорига кўра, боксчимиз 80-71, 80-71, 80-71,  ҳисобларида ғалабага эришди. 

Бу орқали боксчимиз проф боксдаги иккинчи жангидаёқ WBA Continental камарига эга чиқди.

Эслатиб ўтамиз, Абдуллаев март ойида профессионал боксда дебют жангини ўтказган ва нокаут эвазига ғалаба қозонганди.

Родриго эса шу кунгача проф боксда 19 та жанг ўтказиб, уларнинг 13 тасида ғалабага эришган. 4 та жангда мағлуб бўлган, 2 та жангда эса дуранг қайд этганди.