Руслан Нурудинов оиласида яна янги меҳмон + ФОТО

"Алҳамдулиллаҳ, Нурудинова Аиша Руслановна. 22.12.21. Слава Аллаху! Аллоҳ умрингизни зиёда қилсин. Бахтингизни бутун қилсин, қизалоғим", - дея ўзининг Инстаграм саҳифасида сурат ва унинг остида мана шундай чиройли тилак қолдирган Руслан Нурудинов.

Русланнинг биринчи фарзанди 2020 йилнинг сентябрь ойида дунёга келган ва чемпион қизига Амели Софи деб исм қўйган эди. 22 декабрь куни туғилган иккинчи қизига эса Аиша деб исм беришди.     

Маълумот учун, Руслан Нурудинов 2020 йилнинг 2 февраль куни бўйдоқлик билан хайрлашган эди. Нурудинов танлаган умр йўлдоши ҳам спортчилар оиласидан - синхрон сузиш бўйича терма жамоамизнинг собиқ аъзоси, ҳозирда мураббийлик фаолиятини давом эттираётган Алмира Маматказина!  Алмира чим устида хоккей бўйича тажрибали мураббий Ринат Маматказиннинг фарзанди ҳисобланади. 

Фурсатдан фойдаланиб, сайтимиз ижодкорлари ва ўқувчилари номидан Руслан Нурудиновга оилавий бахт, тинчлик-хотиржамлик тилаймиз.