Рустам Ашурматов: "Хафамиз деёлмайман, лекин хурсанд ҳам эмасмиз"

"Ўйин яхши ўтди. Муҳими, биринчи ўринда қолдик. Тўғри, ғалаба қозонишимиз ҳам мумкин эди, лекин бу – футбол. Биз очко йўқотганимиз билан рақибимиз ҳам очко йўқотди. Шунинг учун хафамиз деёлмайман, лекин хурсанд ҳам эмасмиз. 

Кейинги учрашувда ўйнамаслигим аниқ, чунки 2 та сариқ карточка олишга улгурдим. Бундай жароҳат билан олдин ҳам ўйнаганмиз. Шунинг учун бу нарса ўйинлар ва машғулотларда қатнашишга халақит қилмайди. 

Албатта, мураббийнинг йўқлиги ўйинларда таъсирини ўтказади. Бош мураббий ўз номи билан бош мураббий. У ёнимизда бўлса, ишончимиз яна юқори бўлиши мумкин эди. Унинг ўрнини билдирмасликка ҳаракат қиламиз.

Ҳар бир жамоани ҳурмат қиламиз, аммо жамоамиз майдонга фақат ғалабани кўзлаб майдонга тушади. Сабаби Эрон билан дуранг ўйнадик, БААни ютишга мажбурмиз ва қўлимиздан келган ҳамма нарсани қиламиз", – деди Ашурматов. 

Эслатиб ўтамиз, Ўзбекистоннинг БААга қарши учрашуви 15 октябрь куни 19:00 да старт олади.