18 фев 07:48
Янгиликлар

Теннис

Сабина Шарипова Қоҳира турнирининг асосий тўрига йўл олди

Миср пойтахти Қоҳира шаҳрида теннис бўйича ITF турнири давом этмоқда.

Соврин жамғармаси 60 000 АҚШ долларини ташкил қилувчи мусобақада хамюртимиз Сабина Шарипова ҳам иштирок этяпти. Мамлакатимизнинг биринчи ракеткаси ўз иштирокини саралаш баҳсларидан бошлаганди.

Саралашнинг илк даврасида мексикалик Габриэла Дель Мар Санчесни 6:0, 6:1 ҳисобида мағлуб этган Сабина иккинчи босқичда бельгиялик Магали Кемпендан устун келди - 6:4, 2:6, 12:10! Энди Шарипова асосий тўрнинг илк даврасида россиялик Изабелла Шинниковага қарши кортга чиқади.