06 сен 17:30
Янгиликлар
Енгил атлетика
Сафина Садуллаева "Бриллиант лига" финали учун квалификациядан ўта олмади, Анвар Анваров бугун "олтин" даражадаги мусобақада қатнашади
Маълум қилганимиздек, кеча Швейцариянинг Цюрих шаҳрида енгил атлетика бўйича "Бриллиант лига" мусобақаси давом эттирилди.
Финал олдидан ўтказилган сўнгги босқичда баландликка сакраш дастурида Ўзбекистон терма жамоаси аъзоси Сафина Садуллаева ҳам иштирок этиб, 1.89 м натижа билан тўртинчи бўлди.
Сафина ўз чиқиши орқали 5 очко ишлаб олди ва квалификация жадвалида 14 очко билан 8-ўринни эгаллади. Афсуски, бу натижа Садуллаева учун 13-14 сентябрь кунлари Белгиянинг Брюссель шаҳрида бўлиб ўтадиган "Бриллиант лига" финал босқичида иштирок этиш учун камлик қилади.
Бугун Хорватияда Бутунжаҳон енгил атлетика федерациясининг тақвимидан ўрин олган “олтин” даражадаги халқаро мусобақа бўлиб ўтади. Унда ҳамюртимиз Анвар Анваров узунликка сакраш дастурида ўз омадини синаб кўради.
Ҳавола :
Манба : olamsport.com
Фикрлар