Сафина Садуллаева Олимпиадада кечаги иштироки ҳақида гапирди. Ҳамюртимиз энди "Бриллиант Лига"да қатнашади!

"Кеча мен бироз хафа бўлган эдим, аммо бугун тушуниб етдим-ки, охирги ўтказаётган мавсумимни ҳисобга олган ҳолда мен муносиб натижа қайд этдим. Биринчи навбатда финалга йўл олдим. Унчалик ҳам ёмон чиқиш қилмадим албатта. Лекин медалгача озгина етмади. Бу спорт, бу Олимпиада қизларнинг кечаги натижалари унчалик ҳам юқори бўлмади. Эҳтимол, бироз эмоцияда иштирок этгандирман, буни тушунтириб бера олмайман. Умуман олганда, мен етарли натижа қилдим. Ўз устимда ишлашда давом этаман. Олдинда яна бир қанча мусобақалар бор. Бугун мени "Бриллинт Лига"га таклиф қилишди", деди Садуллаева.