03 сен 07:08
Янгиликлар
Енгил атлетика, Токио-2020
Сафия Бурханова – Токио-2020 ёзги Паралимпия ўйинлари чемпиони!
Токиодан хушхабарлар келиши давом этади.
Бундан бироз аввал пара енгил атлетиканинг F12 классида аёллар ўртасида ядро улоқтириш бўйича финал баҳслари якунланди.
Унда иштирок этган ҳамюртимиз Сафия Бурханова 14.78 метр натижа билан олтин медални қўлга киритди. Таъкидлаш керакки, бу мавсумдаги энг яхши натижа сифатида ҳам қайд этилди.
Эслатиб ўтамиз, Сафия Бурханова Рио-2016 ёзги Паралимпия ўйинларида кумуш медалини қўлга киритган эди.
Шу тариқа делегациямиз ҳисобидаги медаллар сони 17 тага етди: 7 та олтин, 4 та кумуш ва 6 та бронза.
Ҳавола :
Манба : paralympic.uz
Фикрлар