Саида Маҳмудова Фарғона вилоятидаги шароитлар билан танишди

Сафар давомида Фарғона вилоятининг Қўқон, Қува, Риштон, Бағдод, Қувасой каби ҳудудларда стол тенниси спорт турини оммалаштириш борасида амалга оширилаётган ишлар билан яқиндан танишди. Жумладан, Қўқон шаҳрида жойлашган 2-сонли Болалар ва ўсмирлар спорт мактаби (БЎСМ)нинг стол тенниси учун яратилган шарт шароитларни кўздан кечирди. 

Учрашув давомида Саида Маҳмудова мураббийлар билан ҳудудда стол теннисини ривожлантириш борасидаги долзарб муаммолар юзасидан ўзаро фикр алмашишди. Шундан сўнг федерация раҳбари ёш стол теннисчилар учун маҳорат сабоқларини олиб борди. Ҳозирги вақтда Қўқон шаҳридаги 2- сонли БЎСМда жами 150 нафарга яқин қиз ва болалар стол тенниси билан жиддий равишда шуғулланиб келишмоқда.