09 дек 23:21
Янгиликлар
Бокс/ММА
Саиджамшид Жафаров IBA Чемпионлар оқшоми турнири доирасида Жаҳон чемпиони устидан ғалаба қозонди
Бирлашган Араб Амирликларининг Дубай шаҳрида бокс бўйича "IBA Champions Night" турнирининг навбатдаги оқшоми ўтказилмоқда.
Эътиборлиси, ушбу мусобақа доирасида ўрта вазн тоифасида ўзбекистонлик боксчи Саиджамшид Жафаров ҳам рингга кўтарилди. Ҳамюртимизга япониялик Жаҳон чемпиони ҳамда Ханчжоу-2022 Осиё ўйинлари ғолиби Севон Оказава рақиблик қилди.
6 раундга мўлжалланган жанг тўлиқ давом этди ва унда ҳамюртимиз Саиджамшид Жафаров очколар ҳисобига кўра ғолиб деб топилди.
Қизиғи, Саиджамшид БААда ташкил этилган ўтган йилги "Чемпионлар оқшоми"да ҳам жанг қилган эди. Жафаров билан биргаликда ўша мусобақада яна бир боксчимиз Баҳодир Жалолов ҳам рингга чиқиб, ғалаба қозонган эди.
Ҳавола :
Манба : olamsport.com
Фикрлар