Саиджамшид рингга чиққан "IBA чемпионлар оқшоми"нинг асосий жанги тўлиқ давом этди

Турнирнинг асосий жанги енгил вазн (61,2 кг) тоифасида ўтказилиб, унда россиялик Токио-2020 Олимпиадаси чемпиони Альберт Батиргазиев (10-0, 7 KO) кубалик мағлубият нималигини билмай келаётган Ласаро Альварес (6-0, 3 KO)га қарши рингга кўтарилди.

Жанг тўлиқ 10 раунд давом этди ва якунда Батиргазиев ҳакамларнинг якдил қарори (98:92, 97:93, 97:93) билан очколар ҳисобига кўра ғалаба қозонди. Проф рингдаги 11-ғалабасини тантана қилган Альберт IBA чемпионлик камари билан бирга 300 минг АҚШ доллари миқдоридаги гонорарни ҳам қўлга киритди. Фаолиятидаги илк мағлубиятини қабул қилиб олган Ласаро Альварес эса 200 минг долларга эга бўлди. 

Эътиборлиси, тақдирлаш маросимида икки вазн тоифасида собиқ UFC чемпиони Конор Макгрегор ҳам иштирок этди ва шахсан ўзи камарни Батиргазиевга тақиб қўйди.