Саидёқуб Қаҳрамонов Умар Нурмагомедовни реванш жангига чорлади: "Бу UFC'даги охирги жангим бўлади"

Энг енгил вазнда ўзбекистонлик UFC жангчиси Саидёқуб Қаҳрамонов (10-3) россиялик Умар Нурмагомедовни (16-0) жангга чорлади. Аввалроқ, Умар Нурмагомедов UFC'га мурожаат қилар экан, 11 март куни энг енгил вазндаги ҳар қандай жангчига қарши октагонга кўтарилишга тайёр эканини билдирган эди.

"Умуман олганда, мен 15-рақамли жангчиман, шунчаки бу жангни менга беринг. Бу менинг сўнгги жангим бўлади. Ҳаёт ёки ўлим вазиятидаман. Агар ўлсам, ўз промоушенимга эътиборимни қаратаман. Дана Уайт, кичик шаҳарча яратинг", - деб ёзган Қаҳрамонов Twitter тармоғидаги расмий саҳифасида.

Қаҳрамонов сўнгги бор 2022 йилнинг 18 декабрь куни Лас-Вегас шаҳри (АҚШ)да ташкил этилган UFC Fight Night мусобақаси доирасида россиялик Саид Нурмагомедовга (17-2) қарши октагонга кўтарилиб, сабмишен эвазига мағлуб бўлган эди.

Умар Нурмагомедов эса охирги жангини 14 январь куни Лас-Вегас (АҚШ)да ўтказилган UFC Fight Night турнирида бразилиялик Раони Барсельосга (17-4) қарши ўтказиб, техник нокаут билан ғалаба қозонган эди.

Technically I’m #15 just give me this fight. Plus It’ll be my last fight. Life or death situation. If I die I’ll move on focus on my promotion. Be a small town Dana White. https://t.co/Z5ftiGgrLi

— Saidyokub Kakhramonov (@SaidYokubMMA) January 26, 2023