Сакен Бибосинов Ҳасанбой Дўсматовдан учралган мағлубиятга ўз муносабатини билдирди

"Афсуски, иккинчи жангимда Ҳасанбой Дўсматовга ютқаздим. Мақсадим Осиё ўйинлари чемпиони бўлиш ва лицензия қўлга киритиш эди. Афсуски, мақсадимга эриша олмадим. Хато мен томондан ўтди. Билмайман, биринчи раундда ёмон жанг қилмагандим. Барча ҳакамлар биринчи раундни рақибимга беришди, кейин эса мен ўз тактикамдан фойдалана олмадим, режалар ўзгариб кетди. 

Энди боксчиларимизга омад тилайман, мадҳиямиз янграсин, лицензиялар кўп бўлсин. Афсуски, ютқаздим. Менга мухлислик қилган барчага раҳмат айтаман. Бу спорт, бу ерда ғалаба ва мағлубиятлар бўлади", - деди Бибосинов.