Саккиз проф боксчимиз 2 март куни Пучхонда рингга кўтарилади

Ушбу оқшом доирасида ўзбекистонлик 8 нафар проф боксчи ҳам рингга чиқади. Кечанинг марказий жанги ҳам бевосита ҳамюртимиз иштирокида кечади. Шаҳзодбек Шаробиддинов (6 ғалаба, 1 мағлубият) филиппинлик Конрадо Танамор (12 ғалаба, 5 мағлубият) билан тўқнаш келади. 

Аввал хабар берганимиздек, Кореядаги турнирда Ҳасанбой Дўсматовнинг укаси Фарёзбек Дўсматов дебют жангини ўтказади. Кичик Дўсматовга филиппинлик 28 ёшли Жовер Амистосо (5 ғалаба, 2 мағлубият) рақиблик қилади. Фарёзбек ҳаваскор боксда Ўзбекистон чемпионати ва бошқа мусобақаларда 8 та жанг ўтказган ва 5 ғалаба, 3 та мағлубият қайд этган. У 2022 йилги Ўзбекистон чемпионатининг кумуш медали соҳиби ҳисобланади.

Боксчиларимиз ва уларнинг рақиблари:

Шаҳзодбек Шаробиддинов - Корнадо Танамор

Ҳусниддин Мараимов - Туоҳатасен Саилибиеке 

Шоҳбозбек Толибжонов - Тангжиаерке Асихаер 

Эгамберди Нуриддинов - Дарил Амонсио

Довруғбек Ибрагимов - Марк Салес

Фарёзбек Дўсматов - Жовер Амистосо   

Сирочбек Исмоилов - Жаэ Жун Го 

Дониёрбек Ҳайталиев - Минг Вей Лиу