16 окт 08:05
Янгиликлар

Спорт курашлари

Салим Абдувалиевга яна бир халқаро мукофот топширилди ФОТОГАЛЕРЕЯ

Ўтган йили Россиянинг Санкт-Петербург шаҳрида Салим Абдувалиевга нуфузли Людвиг Нобель мукофоти тантанали тарзда топширилган эди.

Кеча Ўзбекистон Миллий олимпия қўмитаси раиси ўринбосари, мамлакат спорт курашлари ассоциацияси раиси Салим Абдувалиев яна бир халқаро мукофотга лойиқ кўрилди. Салим Киргизбаевичга Италияда 2011 йилдан бери тақдим этиб келинаётган Константинус Магнус Халқаро мукофоти топширилди.

Бу мукофот Рим императори Буюк Константин номи билан аталиб, дунёда ҳар йили маданият, санъат, илм-фан, спорт, эркинлик, адолат ва тинчлик ғояларини тарғиб қилишда алоҳида жонбозлик кўрсатиб келаётган инсонларга тақдим этилади.

Энди ушбу мукофотга лойиқ кўрилганлар орасида бизнинг ҳамюртимиз ҳам бор. Кеча Италиянинг қадимий Спелло шаҳарчасида Салим Абдувалиевга спортга қўшиб келаётган улкан ҳиссаси учун Константинус Магнус мукофоти тантанали равишда топширилди.