01 сен 15:23
Янгиликлар

Шахмат

Самарқанд мезбонлик қиладиган FIDE Chess Olympiad 2026 стартига икки ҳафта қолди

Халқаро шахмат федерацияси (FIDE) Бутунжаҳон шахмат Олимпиадаси доирасида ўтказиладиган тадбирларнинг ўтказилиш муддатини тасдиқлади.

16-27 сентябрь кунлари 46-Бутунжаҳон шахмат Олимпиадасининг белгиланган 11 та тур учрашувлари бўлиб ўтади. Партиялар соат 15:00`да бошланади.

FIDE расмий сайти эълон қилган постерда амалдаги жаҳон тожи соҳиби Гукеш Доммараджу, унинг унвонига расмий даъвогар Жавоҳир Синдаров ҳамда қозоғистонлик Бибисара Асаубаевани кўриш мумкин.
Режа бўйича Олимпиаданинг тантанали очилиш маросими 15 сентябрь, тақдирлаш - ёпилиш маросими 27 сентябрь кунига белгиланган. 22 сентябрь дам олиш ("Bermuda party") куни сифатида тасдиқланган. 20-27 сентябрь кунлари оралиғида 97-FIDE Конгресси ўтказилади. 26 сентябрда FIDE Генерал Ассамблеяси йиғилиши ҳамда сайлови бўлиб ўтади.