Самарқанддаги Жаҳон чемпионатида россиялик эшкак эшувчи билан боғлиқ ғаройиб ҳодиса рўй берди

Бугун мусобақанинг сўнгги куни доирасида россиялик каноэчи Захар Петров 500 метр масофага финал босқичида иштирок этди.

Петровнинг чиқишида ғаройиб ҳодида юз берди. У финишга оз қолганида қайиғи ағдарилиб кетди, шунга қарамасдан, қайиқ камони финишни биринчи бўлиб, кесиб ўтди. Бироқ расмий протоколда Захарнинг натижаси дастлаб, ҳисобга олинмади.

Шундан сўнг, нейтрал мақомидаги спортчи Петров томони ташкилотчиларга протест билдиришди. Қайта текширишлардан сўнг, Захарнинг олтин медаль қўлга киритгани эълон қилинди.

Аммо бироз олдин эълон қилинган янгиликларда Захардан олтин медаль олингани ва у расмий протоколда финишга қадар етиб кела олмагани қайд этилди. Олтин медаль эса иккинчи бўлган молдовалик Сергей Тарновскийга насиб этди.

Маълум бўлишича, Россия эшкак эшиш федерацияси ушбу қарордан сўнг, яна бир бор ташкилотчилар томон протест киритишган.