Самарқандлик ёшлар мамлакат кубоги соҳиби

Яккакураш спорт турларига ихтисослаштирилган болалар-ўсмирлар спорт мактабида ўтказилаётган мусобақа дастурига кўра, дастлаб юнон-рум кураши бўйича беллашувлар ўтказилди. 

Қорақалпоғистон Республикаси, Тошкент шаҳри ва барча вилоятлар вакиллари иштирок этган мусобақада полвонлар ўнта вазн тоифасида гилам чиқишди. -38, -41, -44, -48, -52, -57, -62, -68, -75, -85 килограмм вазн тоифаларида ўтказилган беллашувлар финалида мезбонлар - Самарқанд вилояти жамоаси бухоролик ёш полвонларга қарши гиламга чиқишди. 

Муросасиз кечган баҳсда самарқандлик ёшлар рақибларини 7:3 ҳисобида мағлуб этиб, “Ўзбекистон кубоги” соҳиби бўлишди. Учинчи ўрин учун кечган курашда Тошкент вилояти жамоаси фарғоналик полвонларни шундай ҳисобда мағлуб этишди.

Мусобақа ғолиб ва совриндорлари ташкилотчилар томонидан диплом, медаль ва эсдалик совғалари билан тақдирланишди. Энди навбат эркин курашчиларга.