Самарқанднинг "Динамо"си Жоэль Кожони "Истиқлол"га 300 000 долларга сотишни истамади

Бироқ "Динамо" қирғизистонлик ҳужумчини 300 минг долларга сотишга рози бўлмади. Бу ҳақда Кожонинг турмуш ўртоғи маълум қилди. Маълумотларга кўра, Жоэлнинг товон пули 1 миллион долларга тенг бўлган.

Кеча тунда Эронда трансфер ойнаси ёпилди ва энди Кожо "Динамо"да қолиши аниқ. Футболчининг Самарқанд клуби билан 2025 йил охиригача шартномаси бор.

Футболчининг ўзи Қирғизистон ОАВга қисқа интервью берди: "Энг катта мақсадим ҳали олдинда. Бироқ мураббийим ва клуб раҳбарияти келиб тушган таклифни рад этишди. Бу ҳолат юрагимга оғир ботди. Бу мураббий ва клуб раҳбарияти ҳаётимни барбод қилишди.

Мураббий ва раҳбарларни менга нисбатан қилган иш учун оллоҳ кечирмайди. Мен футболга бўлган бор умидимни йўқотдим, дўстлар, футбол ўйнаш учун умуман кайфият, хоҳишим йўқ", - деди Кожо. 

"Менимча, ҳақиқатни айтиш керак. Эрон клуби трансфер учун 300.000$ таклиф қилди. Тунги соат 00:30 га қадар музокара давом этди. Сўнгги лаҳзада "Динамо" директори мураббий кўрсатмасига кўра шунчаки қўнғироқларга жавоб бермай қўйди. Мураббий йил бошида агар кучли клуб Кожога таклиф билан чиқса уни қўйиб юборишини ва футболчи учун хурсанд бўлишини айтганди. Ўшанда 100.000$ га қўйиб юборишга рози бўлганди. Ҳозир эса 3 март кўп таклиф қилишди. Кун бўйи улар бизни умидлантиришди ва сўнгги лаҳзада трансфер амалга ошмай қолди", - деди футболчининг турмуш ўртоғи.