17 дек 18:44
Янгиликлар
Самбо
Самбо бўйича Ўзбекистон кубоги ғолиблари аниқланди
Термиз шаҳрида эркаклар ва хотин-қизлар ўртасида самбо ҳамда профессионал спортчилар ўртасида жанговар самбо бўйича Ўзбекистон кубоги бўлиб ўтди.
Мусобақада мамлакатимизнинг барча ҳудудларидан 550 дан ортиқ самбочилар ғолиблик учун куч синашди.
Хотин-қизлар ўртасидаги беллашувларда Моҳинур Чориева, Шоҳида Хонтўраева, Озода Айтмуратова, Хожар Шапатова ҳамда Феруза Суюнова ўз вазн тоифаларида олтин медаль билан тақдирланди. Эркаклар ўртасида эса Асқар Мўминов, Саидаббос Бобонов, Хуршид Қодиров, Шаҳзод Жумабоев, Равиқ Мажидов, Эъзоз Равшановга тенг келадигани топилмади.
Жанговар самбо йўналишида Асадбек Жалолов, Амин Раҳимов, Амиржон Фақуров, Нодирбек Асроров, Санъат Гадоев, Тўлқин Саидов Ҳасан Раҳимов шоҳсупанинг энг юқори поғонасидан жой олди.
Мусобақа сўнггида ғолиб ва совриндорлар ташкилотчилар томонидан диплом, эсдалик совғалари билан тақдирланди.
Ҳавола :
Манба : uza.uz
Фикрлар