17 дек 12:38
Янгиликлар

Самбо

Самбо бўйича терма жамоамиз Москвага етиб борди

Эртага Россия Федерацияси пойтахти Москва шаҳрида самбо бўйича Анатолий Харлампиев хотирасига бағишланган анъанавий турнир старт олади.

Нуфузи жиҳатидан жаҳон чемпионатидан сўнг турувчи ушбу нуфузли мусобақада Ўзбекистон терма жамоаси ҳам тўлиқ таркибда иштирок этади. Самбочиларимиз 18-19 декабрь кунлари ўтказилувчи халқаро хотира турнирида қатнашиш учун Москва шаҳрига етиб боришди.

Эслатиб ўтамиз, ўтган ойда терма жамоамиз айнан Россия Федерациясида ўтган жаҳон чемпионатида муносиб тарзда иштирок этиб, 5 та олтин, 9 та кумуш, 12 та бронза, жами 26 та медал билан 60 га яқин давлат орасида умумжамоа ҳисобида кучли учликдан жой олган эди.