09 ноя 07:54
Янгиликлар

Самбо

Самбо. Жаҳон чемпионатининг биринчи куни 3 та медаль қўлга киритилди

Кеча Жанубий Кореянинг Чонжу шаҳрида самбо бўйича катталар ўртасидаги жаҳон чемпионати старт олди.

Йилнинг ушбу нуфузли мусобақасида Ўзбекистон терма жамоаси самбочилари ҳам иштирок этяпти. Жаҳон чемпионатининг биринчи куни спортчиларимиз учта медалга эга чиқишди.

-90 кг вазн тоифасида юртимиз шарафини ҳимоя қилган Неъмат Ёқубов бронза медалини қўлга киритди. Терма жамоамиз ҳисобига қолган икки медални жанговор самбо баҳсларида гиламга чиққан ҳамюртларимиз қўшиб қўйишди.

Финалга қадар мағлубиятсиз етиб келган Истам Қудратов (-74 кг) ва Илҳомжон Йўлдошев (-100 кг) жаҳон чемпионатининг кумуш медалига сазовор бўлишди. Бугун қолган вазн тоифаларида беллашувлар ўтказилади.