Самбочи Баҳодир Бакиев Шаҳрисабзда тақдирланди

Ватанни дунёга тез танитадиган бу спортдир. Ўзбекистон байроғини хорижда ўтказилган мусобоқаларда бир неча бор баланд  кўтариб танитган самбо бўйича Осиё чемпионлигини қўлга киритган олтин медал соҳиби Баҳодир Бакиевни қозонган юксак ғалабаси бутун шаҳар аҳлини айниқса, ўзи яшаётган Тепарлик маҳалла аҳлини янада қувонтирди. Асадбек кафесида самбо бўйича жаҳон ва Осиё чемпиони, Баҳодир Бакиев ва универсал жанг бўйича жаҳон чемпионатида бронза медали соҳибаси бўлган Ширина Шукуроваларни тақдирлаш тадбирига ташриф буюрган Шаҳрисабз шаҳар ҳокими Акром Сулаймонов сўз олиб, чемпионларни самимий муборакбод этди.

Шунингдек Баҳодир Бакиевга 20 миллион сўмлик, Ширина Шукуровага эса 7 миллион сўмлик мукофот пулининг сертификатларини ҳамда ташаккурнома ва қимматбаҳо совғаларни тақдим этди. Маҳалла аҳли ҳам удумимизга кўра чемпионларга миллий қубба чопон, дўппи, белқас ва гулдасталар улашишди. Ота-оналари, устозлари даврага таклиф этилиб, уларга шаҳар ҳокими томонидан миннадорчилик билдирилди.