Санчога Италиянинг катта клуби қизиқиш билдирмоқда

"Мендаги маълумотларга кўра, "Ювентус" яқинда Жейдон Санчо бўйича келишув ҳақида маълумот сўраган. У январда МЮни тарк этмоқчи.

"Ювентус"дан қизиқиш бор, фақат бу ижара бўлади ва маошнинг бир қисмини "Манчестер Юнайтед" қоплайди. Ҳозирча музокаралар олиб борилмаяпти, чунки "Манчестер Юнайтед" ижарадан кўра сотиб олиш таклифларини кутмоқчи", – дея хабар берди Фабрицио Романо.

Эслатиб ўтамиз, Жейдон Санчо сентябрь ойида Эрик тен Ҳаг билан можаро туфайли "Манчестер Юнайтед" асосий жамоасидан четлаштирилган эди. Вингер узр сўрашни истамади, МЮ раҳбарияти ҳам у билан хайрлашишга қарши эмас.