12 окт 14:53
Янгиликлар
Теннис
Санжар Файзиевдан "камбэк", у чорак финалда!
Теннис бўйича Тошкентда бўлиб ўтаётган "Челленжер" турнирида яна бир спортчимиз чорак финал йўлланмасини қўлга киритди.
Биринчи босқичда сенсацион тарзда ўзидан 377 поғона юқорида турган Евгений Донскойни мағлуб этган теннисчимиз бугун ҳам ўз шижоатини намойиш эта олди.
Файзиев бугун ўтказилган иккинчи босқич учрашувида Александр Неедовесовга қарши кортга чиқди. Дунё рейтингида 204-поғонадан жой олган қозоғистонлик теннисчига қарши ,баҳсда спортчимиз мағлубиятга учраётган ҳолда ғалабани ўз томонига оғдира олди.
Санжар Файзиев - Александр Неедовесов 2:1 (0:6, 7:6, 6:3)
Файзиев навбатдаги босқичда россиялик Константин Кравчукка қарши кортга чиқади.
Ҳавола :
Манба : olamsport.com
Фикрлар