25 фев 13:08
Янгиликлар

Бокс/ММА

Санжар Раҳмонов 28 февраль куни реванш жангида рингга кўтарилади

Профессионал боксда фаолият олиб бораётган чарм қўлқоп устамиз Санжар Раҳмонов навбатдаги жангини 28 февраль (Тошкентда 29 февраль тонги) куни ўтказади.

АҚШнинг Невада штати Лас-Вегас шаҳрида ўтказиладиган ушбу жангда Раҳмоновга танзаниялик Идд Пиалари рақиблик қилиши айтилган эди. Лекин Санжарнинг рақиби ўзгарди ва энди у 10 раундлик жангда америкалик Кейт Хантерга қарши рингга чиқади. Бу жанг Раҳмонов учун реванш мақомида бўлади. Ҳамюртимиз 2019 йилнинг 5 апрель куни Хантерга очколар ҳисобига кўра ютқазиб қўйганди.

Маълумот учун, Санжар шу кунгача проф боксда 15 та жанг ўтказган ва уларнинг 12 тасида ғалаба қозонган (6 та нокаут). Иккита жангда мағлуб бўлган ва яна бир баҳс дуранг билан якунланган. Хантер эса 11 та жангнинг барчасида зафар қучган. Ҳисобида 7 та нокутли ғалаба бор.