Санжар Раҳмоновнинг навбатдаги жанг санаси маълум

Чарм қўлқоп устамиз проф рингдаги ҳисоб бўйича 15-жангини 28 июнь куни АҚШнинг Невада штати Лас-Вегас шаҳрида ўтказадиган бўлди. Ҳозирча рақиб маълум эмас. Санжар сайтимизга берган хабарида рақиб номи бир ҳафта ичида аниқ бўлишини айтган. 

Эслатиб ўтамиз, Раҳмонов ҳозирча охиргиси бўлиб турган саккиз раундлик жангида америкалик Кейт Хантерга очколар ҳисобига кўра имкониятни бой бериб қўйган эди. 

Маълумот учун, ҳамюртимиз проф боксдаги 14 та жангидан 11 тасида (5 та нокаут) ғалаба қозонган. Икки бор мағлубиятга учраган ва битта жангни дуранг билан якунлаган.