01 сен 09:22
Янгиликлар

Бокс/ММА

Санжар Зокиров ONE 168 турниридаги жанги қолдирилганини маълум қилди

Аввалроқ, ўзбекистонлик аралаш яккакураш устаси Санжар Зокиров 6 сентябрь куни АҚШнинг Колорадо штати, Денвер шаҳрида ташкил этиладиган ONE 168 турнирида жанг қилиши ҳақида хабар берган эдик.

Ўша куни 21 ёшли ҳамюртимизга япониялик Хироба Миноуа рақиблик қилиши керак эди. Аммо Зокировнинг ўз Инстаграм саҳифаси орқали маълум қилишича, жанг қолдирилган. Лекин нима сабабдан қолдирилгани очиқланмаган.

"Жанг қолдирилди. Тез орада эълон қиламиз", деб ёзган Зокиров.

Маълумот учун, Санжар Зокиров фаолияти давомида 10 та жанг ўтказиб, уларнинг барчасида рақибларидан устун келган. Япониялик Миноуа ҳисобида эса 14 ғалаба ва 5 мағлубият бор.

Таъкидлаш жоиз, ONE FC асосий Лигасида ҳозирга қадар фақатгина бир нафар ҳамюртимиз — Жасур Мирзамуҳаммедов жанг қилиб, 1 ғалаба ва 1 мағлубият қайд этган эди.