Санкт-Петербург турнирининг сўнгги куни 6 та медаль қўлга киритдик, 3 таси олтин + ФОТО

Уч кун давом этган ҳамда саккиз мамлакатнинг 2005-2007, 2008-2009 йилларда таваллуд топган дзюдочилари қатнашган мусобақада юртимиз шарафини Тоҳир Файзиев ва Ўлмас Гуллиев мураббийлигидаги ўсмир ва ёшларимиз ҳимоя қилишди. 

Халқаро турнирнинг сўнгги куни дзюдочиларимиз учун омадли ва сермаҳсул бўлди. Муросасиз кечган беллашувлар якунида қизларимиз 3 та олтин, 2 та кумуш, 1 та бронза медалини қўлга киритишди. 

Лазиза Ҳайдарова (-40 кг), Умидахон Бурхонжонова (-44 кг), Хуршида Раззоқбердиева (-63 кг) олтин, Сўғдиёна Рафкатова (-52 кг), Аселхан Аралбаева (-57 кг) кумуш, Барчиной Қодирова (-70 кг) бронза медалига сазовор бўлди.

Шу тариқа, Ўзбекистон терма жамоаси Санкт-Петербургдаги халқаро турнирни 3 та олтин, 3 та кумуш, 2 та бронза медали билан якунлади.