22 авг 08:38
Янгиликлар

Теннис

Саралашдан асосий тўрга етиб келган Омонмуродова иккинчи босқичга чиқди

Германиянинг Брауншвейг шаҳрида теннис бўйича “Фьючерс” туркумига кирувчи турнир давом этмоқда.

Соврин жамғармаси 25 000 АҚШ долларини ташкил қилувчи мусобақада тажрибали теннисчимиз Оқгул Омонмуродова ҳам иштирок этяпти. Ҳамюртимиз саралаш баҳсларида икки ғалабага эришиб, асосий тўрга йўл олган эди.

Кеча Омонмуродова асосий тўрнинг илк даврасида британиялик Эмили Апплетонга қарши кортга чиқди. Учрашуда Оқгул рақибасини 6:2, 7:6(2) ҳисобида мағлуб этди. Энди вакиламиз иккинчи босқич баҳсида турнирнинг еттинчи ракеткаси, германиялик Жюль Ниемейерга қарши кортга чиқади.