01 сен 13:40
Янгиликлар
Футбол
Сардор Рашидов: “Фақат ғалаба, ғалаба ва яна ғалаба!”
Бугунги Ўзбекистон - Сурия учрашуви олдидан терма жамоамиз ярим ҳимоячиси Сардор Рашидов ўз фикрларини билдирди.
- Сурия кучсиз жамоа эмас. Улар саралашнинг шу босқичига етиб келишдими, демак улар ҳам ҳурматга лойиқ жамоа. Бу ўйинда биз ғалаба қозонишимиз шарт. Кимга интервью берсам ҳам, фақат ғалаба қозонишимиз керак, деб айтаяпман. Орқага йўл йўқ. Ўзбекистоннинг азалий орзусини рўёбга чиқарадиган вақт етиб келди.
Бу футбол, унда ғалаба ва мағлубият доим ёнма-ён юради, деган гаплар энди ўтмайди. Фақат ғалаба, ғалаба ва яна ғалаба! Дуранг ёки мағлубият биз учун энди ўринсиз. Жаҳон чемпионатига чиқиш учун бизда яна бир бор яхши имконият бор ва шароитлар ҳам жуда аъло даражада. Шахсан ўзим ҳам қўлимдан келганича охиригача ҳаракат қиламан, - деди Сардор Рашидов.
Ҳавола :
Манба : championat.asia
Фикрлар