05 фев 07:18
Янгиликлар

Футбол

Сардор Рашидов: "Ренн"га ёзда ўтишим мумкин"

БААнинг "Ал Жазира" клубида фаолият олиб борган ҳамюртимиз Сардор Рашидов Тошкентнинг "Локомотив" клуби билан келишувга эришганди.

Бундан бир неча кун олдин Сардор Рашидовга Франциянинг "Ренн" жамоаси қизиқиш билдираётгани ва "Ал Жазира" таркибида майдонга тушмаётгани ҳақида хабарлар тарқалганди. "Ренн" клубига қачон ўтиши ҳақида футболчининг ўзи қуйидагича изоҳ берди.

"Ҳозирча бир нима дея олмайман. "Ренн" жамоаси? Ёзги трансфер вақтида кўрамиз", - дейди Сардор Рашидов.

"Темирйўлчилар" билан бир йиллик шартнома имзолаган Рашидов шу кунгача “Сўғдиёна”, “Бунёдкор”, “Ал Жаиш” ва “Ал Жазира” каби жамоалар сафида фаолият олиб борган эди.