23 янв 15:18
Янгиликлар

Бокс/ММА

Сауль Альвареснинг навбатдаги рақиби эълон қилинди

Ўрта вазн тоифасида WBC Franchise ва WBA Super йўналишлари чемпиони Сауль Альварес навбатдаги жангини 2 май куни ўтказади.

Мексикалик жаҳон чемпионининг менежерлари бўлажак жангда Канелога қарши рингга чиқадиган асосий номзод исм-шарифини ошкор қилишди. Альварес япониялик Олимпиада чемпиони, айни пайтда WBA Regular чемпионлик камари соҳиби бўлиб турган Рёта Муратага қарши рингга кўтарилади.

Шу тариқа, Сауль Альварес 2 май кунги жангини ўрта вазнда ўтказади. Мексикаликнинг сўнгги жанги ярим оғир вазн тоифасида россиялик Сергей Ковалёвга қарши кечган эди. Ўша жангда Сауль рақибини нокаутга учратганди.