16 июл 10:15
Янгиликлар
Каратэ
Сайматов бугун финалда амалдаги жаҳон чемпионига қарши татамига чиқади
Қозоғистоннинг Астана шаҳрида каратэ-до бўйича ўсмирлар, ёшлар ва катталар ўртасида Осиё чемпионати давом этмоқда.
Хабар берганимиздек, қитъа чемпионатида иштирок этаётган Ўзбекистон терма жамоаси кечаги баҳсларда жами 12 та медални қўлга киритганди. Бугун етакчи спортчимиз Садриддин Сайматов илк олтин медални терма жамоамизга тақдим этиши мумкин.
Сўнгги бир йилда ўзи қатнашган барча мусобақаларда чемпион бўлиб келаётган Сайматов бугун финал баҳсида эронлик рақибига қарши татамига чиқади. Амир Меҳдизода амалдаги жаҳон чемпиони ҳисобланади.
Демак, бугун амалдаги Осиё чемпиони Садриддин Сайматов амалдаги жаҳон чемпиони эронлик Амир Меҳдизода билан олтин медал тақдирини ҳал қилади. Ҳамюртимиз финалга қадар Ироқ, Қозоғистон ва Индонезия вакилларини мағлуб эта олди.
Ҳавола :
Манба : olamsport.com
Фикрлар